Заменувајки ја легендарната Сузука за Гран При-то во 2007ма година, патеката на Фиџи имаше многу тешка задача. Но во закрила на планината Фиџи во позадина, со мултимилионски преправки и изградби на патеката од страна Формула 1 гуруто Херман Тилке и со прекрасниот 1,5 километарски правец, новата патека за Јапонското Гран При покажа и докажа дека е спремна да го преземе и да се носи со предизвикот. Оригиналната била изградена во стил на амерички спидвеј во 1996 година, а во секавањата претходно е и првото Гран При кое се одржа на оваа патека во 1976та година. Инаугурацијата и трката беше една од најтесните и најинтересните трки во историјата на Формула 1 натпреварувањето, помеѓу Џејмс Хант и Ники Лауда. Иако се докажа со голема популарност, патеката после 1977ма година беше заборавена за наредните 30 години од календарот на Ф1 натпреварувањата. Во 2000та, Тојота купи 93% од акциите на патеката и во наредните три години патеката беше подложена на реновирање и големи промени , пред да се отвори повторно во Фебруари 2005та година. Измерена во должина е 4,5км, а промените на Тилке се покажаа како најважни делови од целата преправка на патеката. Со комбинирање на најпознатиот правец меѓу патеките, со карактеристичните свијоци и завои,новиот дизајн импресионира доволно за да патеката се најде повторно на календарот на Формула 1 трките во 2007ма година. Со сите овие промени, патеката се покажа доста конкурентна на новите патеки во Бахреин, Шангај и Истанбул. Проширени делови на свијоците, со голем простор заштитен со песок и ситни камчиња, секако за заштита и поголема сигурност на возачите и болидите, но секако и големите промени на просторот наменет за екипите, пит боксовите, а секако и на делот наменет за публиката , по најнови и последни мерки на сигурност на сите сегменти на инфраструктурата. Лоцирана во Јапонија на место на популарната Шизуока и само 45км оддалечена од Токио, организаторите имаат очекувања да привлечат публика од над 220,000 гледачи за време на трката и за време на целиот тој викенд, а само 110,000 на самиот ден на трката. За да ја смести сета таа публика, патеката нуди и извонредни места и локации за сместување, вклучувајки и сместувачки апартмани наспроти самата патека со 24,000 места. Извор: http://www.formula1.com